一日課後， 某同學走過來說了一句: 正生會 變了! 然後我說: 是嗎?
變了有什麼稀奇，並心想這世界豈有一乘不變之事!
然後我與同學展開以下對話/辯論…… (內容略有修改)
=================================================================
Dennis: 你來正生做咩? 改變係咪?
同學: 係! 我害怕改變……
Dennis: 害怕改變幹嗎要來，既然來到為要又害怕!
同學: 而家喱度好似學校咁…… 我唔慣
Dennis: 十幾歲學生唔喺學校讀書咁應該喺邊?
同學: 冇出聲
Dennis: 你鐘意影相?
同學: 係
Dennis: 你以前有否影相?
同學: 冇
Dennis: 從你的‘有’到‘冇’便是‘變’，你認為嗎?
同學: 係掛!
Dennis: 你想學影相但唔駛讀書? (我心諗 學車都要考筆試! )
同學: 支吾以對
Dennis: 攝影知識從哪裡來?
同學: 支吾以對
Dennis: 細個唔鐘意返學，大個出咗嚟做嘢發覺喺學校係最開心
同學: 一笑置之
同學: 我根本唔鐘意讀書
Dennis: 出面有幾多人係好鐘意返工?
同學: 沒有回答
Dennis: 或許‘懶’就係人嘅本性! 我老豆以前成日話我懶到‘跌咗條褲都懶 去‘優’， 可想而知我以前真係好鬼‘懶’，要喺社會上生存最起碼條件就係唔可以‘懶’， 而家好多勤力嘅都未必搵到嘢做!
Dennis: 返工不是想不想的問題，而是要不要的問題，你返去打電話問你屋企人點解要日日返工? 能為理想而工作的人畢竟是屬少數! 我當然祝你好運。
Dennis: 喱度就係要你做D 你唔鐘做嘅嘢，即係又要上堂又要開工又要聽同工講又要比人鬧又要學承擔，我成日見到D鐘意上堂嘅人就唔鐘意開工，鐘意開工嘅又唔鐘意上堂，我覺得 (學習) 做一D 你唔鐘意做嘅嘢再從當中的拉扯繃緊狀態中學習才令你更了解自己，咁樣才是一個比較正面嘅態度!
Dennis: 外出嘅趨勢就係要學習要讀書勤力要捱，你喱度唔讀，你出去都會(要)讀，你今日唔讀，你聽都要讀……實踐理想都較學習得番嚟，任何技能學習都逃不過要讀書/考核，同學你能逃避嗎? 最終，你的沙紙 ‘學歷’ 都只係你進入職場嘅入場券，入到場都未必有嘢比你玩到， 入唔到場咁就連諗 (玩) 你都唔好諗!
同學: 他沒有回答也沒支吾以對……這種無聲溝通，我會叫 ‘盡在不言中 ’或 ‘無聲勝有聲’。 唔講嘢都係一種溝通
同學: 我覺這裡好似好黑暗 (指人與人之間的互動)
Dennis: hahaha, 我不認為這個地方 ‘黑暗’，聖經話: 人心比萬物更詭詐，黑暗與否不是地方的問題而是 ‘人心’ 問題! 我應該說有人的地方就有你所講嘅 ‘黑暗’，記得聖經又話‘你的保守你心勝過保守一切，就是這個道理! 我唔覺得你吔是一群黑暗嘅人，我唔認為十來歲嘅年青人會有幾 ‘黑暗 (邪惡)’! 但一班以前以好冇紀律好曵嘅人走埋一齊去生活去改變自不然係一種挑戰，這亦係無可避免，鬼叫你吔以前咁曵，想學好唔駛付出? 世上真係冇免費午餐，有嘅都係人吔同你比咗錢 (家人/社會對你嘅付出)，咁而家當係 ‘找數’(承擔後果與責任)………
Dennis: 所以樂滿阿姨經常提點弟兄做嘢千祈唔好跟 ‘人’，跟人就死得嘞，她說得對，我哋行事為人要跟神的準則去行! 另外黑暗與否跟人的學歷技能並沒有必然關係，一個超然的地方亦有不超然的人、有經師亦會有學棍、有醫者父母心亦會有鐵石心腸之流；同樣地一個國家會有叛國之流亦會有捨身救國之俠士……咁你想做咩嘢嘅人??
食飯鐘一聲號令，我倆對話要暫時終結，要待下回才有分曉。
============================================================
我的對話純屬基於個人見解，內容或有不盡不實但我力求讓弟兄明白幾點東西，以下是我把這些東西以的個人詮釋，再加上近日在村中發生於弟兄身上的幾件事情加上前線中所見所聞想再和弟兄分享一下
打從由精子卵子結合、在母體孕育再出生、學食學飲學行學走學講話學好學壞再學好、讀幼稚園讀小學讀中學讀大學再臥身嘗膽以身試法最後進入‘社會大學’這一個人類社會集體共同體，這不就是一個活生生的演變過程嗎? 做學生做老師做老豆做兒子也算是一種 ‘變’ 吧！
可是我作為一個人這個本質倒是沒有變過……
以前用算盤到現在用計算機; 以前徒步坐馬車到現在坐飛機都是演變的一種，可是作為計數及運輸功能的本質並沒有變過。 由學校跳出社會走入象牙塔步入公營機構到踏上正生會事奉都是一種‘轉變’。 經歷生老病死 (出死入生) 過程不也是一種‘變’嗎! 所以經歷變遷彷彿就如影一樣伴隨著人的一生。
同學說他很不喜歡讀書，我說冇人比我更討厭‘讀書’，我是我認識的朋友中唯一一個又要去考試然後考完又要去燒書的人。 這時我的心情真的很矛盾。 我想我和很多同學一樣不喜歡這個考試遊戲規則，學校社會又有配合自己所長的發展空間，同學不能以一己之力推翻整個考試制度，唯有默默承受或選擇逃離戰線另起爐灶 (或稱誤入歧途) 尋求所謂快樂人生結果卻未能如願，最終在學校裡鮮有獲老師校方認同更遑論成為校內品學兼優之士。
當時燒書都是因為上了考試嘅當 (不歸路)，騎虎難下不能不考，否則父母親輸送的學費金錢便白白浪費。 ‘成年’ 後的我，明白我只討厭‘讀書為考試’但我卻喜愛學習創新。 現在到了另一個極端認為人不學習就是一個等死的過程！ 一個人一出世便要等死是多麼的可惜的事情，不好好去學習就是白白浪費上帝賜予我們的腦袋及時間，不好好去工作就是加速四肢頭腦內臟殘廢的催化劑！
同學們不喜歡讀書就不是正正要學習忍受讀書過程的難耐（如有）； 同樣地， 不喜歡作體力勞動工作就要強迫要求自己去面對! 精神折騰或體力折磨都可鍛鍊意志，想想寒窗苦讀十年及鍛鍊三項鐵人耐力賽的情境會是如何……
霑叔說羅文唱 “知否世事常變，變幻原是永恆” 好像有點意思!
可是，人類真美善禮義廉恥智勇仁愛忠考等等核心價值一如正生會的刻苦艱辛鍛鍊的精神是不應亦不能改變。 這個世界三日一小變五日一大變，鄧小平不是說過: 香港會保持資本主義制度五十年不變，我想五十年後的中國大陸和香港可能已沒有兩樣。
與同學相處工作學習的機會可說是 ‘有今生冇來世’，數年後大家各散西東，你有你的想法我有我目標、你有你的想法我有我路的。畢竟，最要好的朋友都可能因不同的意見漸行漸遠，所以上述不是錯與對的問題而是如 ‘讀醫還是法律’的問題，是立場取向觀點與角度的問題，當然亦是通識的問題!
若對以上內容有不明、懷疑、存疑等隨時可找我討論，還有不用擔心我的前路因為事實上我更擔心你的前路!
新年將至我祝各弟兄福杯滿溢、靈程日進、身心康泰、萬 ‘變’ 不離其宗!
同工
Dennis 丹尼斯上
