正生三年竟然忌廉溝雪糕

不知誰人發現當忌廉汽水 ‘遇著’ 雲呢拿雪糕時會有這麼 ‘震撼’ 的 ‘反應’! 由於本人有鋪‘有好嘢會必益/玩街坊’嘅癮，故此我又將這個‘結晶品’ 以包裝成服務‘正生’ 三週年的 ‘紀念品’ 贈送給我的學生們 (連同工共135 罐玉泉忌廉加14 盒家庭裝雪糕)。

至於我為什麼懂得忌廉溝雪糕這玩意……是由我的舅舅及阿姨所教授的! 我還記得我第一次品嚐是在外祖母家中正直天寒地凍之日子，所以對它周邊發生過的點滴印象都特別深刻，所以當每次食起這個甜品都會想起小時候跟外祖父母生活的一段日子。


我必需指出，‘正生’有個反傳統 --- 就是遇上過時過節 (包括同工生日同學生日) 同工係要自掏腰包請全部學生 (連所有同事) 食嘢! 都唔好話重皮，但是我可以肯定同工係請得樂意，同學當然係食得仲興奮!

我當然不忘叮囑學生說若將來有機會再次品嚐到忌廉溝雲呢拿雪糕這種咁奇特嘅食品你無需記掛我，你只需記得正生會及在大家背後發功嘅上帝。

今天忌廉溝雪糕仍可隨傳隨到，可惜公公與婆婆已不在，而他倆住過慈雲山的舊址已重建十多年，同時‘牛奶公司’已經被‘雀巢’鳩佔 (收購也)了。 善哉! 善哉!

今天，忌廉溝雪糕仍可隨傳隨到，它留在我消化管道的足跡 (營養) 已煙消雲散 (被消化了)，而它的浩氣 (帶來的思念)，卻長存在我的思海中!

2010-12-24