正生通識課之節錄-有關朝鮮半島局勢

Course: Classroom management and communication- Individual Paper

Student: Dennis King Yin Yeung

上課日期: 二零一零年十一月廿七日

 

學校背景: 基督教正生書院

        正生書院成立超過十二年，其間為曾濫藥或情緒行為有偏差的青少年提供留宿性更生及正規教育服務。 正生教育模式建基於四大核心價值 一) 基督教信仰，二) 正規教育課程，三) 群體生活及 四) 艱苦勞動工作。 這四大元素的結合下協助同學在這 ‘半開放’ 式的環境下接受自己、重塑正確價值觀以至人生定位。

科目: 通識科

班級: 中三甲班

學生背景: 這班共19 個學生 包括9 男 9 女，大部份學生於入學前有濫藥背景

上課地點: 學校僭建的‘禮堂’，正生師生一般稱這裡為“曠野”

 (注意: 上課期間，學校進行中的斜坡鞏固工程剛暫停)

<><><><> <><><><> <><><><> <><><><>

課堂師生互動節錄 (約十分鐘時間): Dennis: 各位同學，早晨! 同學: 早晨 Dennis: 其實午安先至係真! 今日想同大家講嘅嘢呢就係嗰張notes 裡面D 東西嚟嘅。頭先我講過，前幾日北韓就向南韓一個叫延坪島開炮，咁頭先有同學就問:北韓係咩嘢嚟? 南韓係咩嘢嚟? 咁我反問翻你哋有冇人知道阿Rain 係邊個嚟? 佢有冇韓國名嘅? 阿Rain 係跳舞嗰個嗎! 同學: 矇珠眼嗰個! Dennis: 晤! 佢喺邊度嚟嘅? 女同學 1: 佢係喺韓國嚟嘅! 女同學 2: 浪漫滿屋……(韓劇一齣) Dennis: 浪漫滿屋係韓劇嚟嗎? 而韓劇又係邊度嚟嘅? 女同學 3: 大長今 (韓劇一齣) 女同學 : 韓國…… Dennis: 又係嚟自韓國呀! 咁韓劇嚟自韓國有冇錯呢? 女同學: 冇錯 Dennis: 咁點解會有兩韓嘅? 即係有兩個韓國啦 女同學: 因為韓國有東南西北面嗎? Dennis: 咁東南西北面就有應該有四韓啦，咁講法? Dennis: 咁朝鮮半島又係咩嘢嚟嘅呢? 男同學: 係個島! 女同學: 小島! 好小呀？　唔小嘞！ Dennis: 小? 唔小嘞! 女同學：大島？ 女同學2 : ‘小島’ 可以怡情！ Dennis: ‘大島’ 可以養性!  ‘大島’ 可以興家呀! 小島可以富貴! 係嗎? 好嘞，頭先我有個問題， 就係講吓朝鮮半島係咩嘢嚟? 有同學答係一個半島，啱! Dennis: 何為叫做半島? 女同學: 好似九龍半島咁樣，沿海嗰D Dennis:  沿海就係叫做半島嘅咩? 咁成個青衣島點解唔叫青衣半島嘅? 女同學: 青衣係全島嚟嘅! Dennis: 全島同半島有咩嘢分別? 半島咪即係唔係全部島囉! 女同學１: 半島有一半係陸地，一半係海！　 Dennis: (朝鮮) 半島有一半係連住中國大陸，大家可以打開張notes 睇吓先……(notes 裡面) 係冇嘅 同學們: 一陣笑聲…… 小青島 (notes 內其中一項資料) Dennis: 大家睇吓notes 嘅左下面，北韓同南韓其實就係兩個國家嚟，點為之北 同南韓呢? 頭先有同學講咗嘞，係以東南西北方向來分，不過就冇西韓同埋東韓 女同學: 因為尖side 咗 (同學故意發音不正!) 她其實想講 ‘佔晒咗’意即一方佔了領另一方地方 Dennis: 咩嘢尖side 咗? 而家這裡係兩個國家嚟嘅! 以前呢，韓戰之前係兩個國家嚟嘅，而家分咗 (兩國)叫做北韓，北韓喺上面嗰個 (意即朝鮮半島上方)，上面係北面，而下面(意即朝鮮半島下方)，係相對於北面嘅，就係南韓 女同學: 咁東韓呢? Dennis: 係冇東韓嘅! 有東部啫! 南北韓 (國家名稱) 是取名於它們的地理方向，朝鮮半島係冇東韓同西韓，只有東部及西部。佢吔係用南北線(38 線) 分界把自己分成南韓及北韓。咁點解呢? 喺五十多年前，有一場叫做韓戰嘅物體，本來一個國家，佢(韓戰) 將呢個國家分成兩個國家，咁北邊係代表共產主義 (陣營)，而南邊呢係代表資本主義(陣營)，咁北方當年有蘇聯支持，而南方就有美國支持，咁簡單嚟講，喱個韓戰就係喱兩大國背後嘅角力嚟嘅啫! 咁最後尾喱，可以話係冇一方贏，咁呢場戰爭可以話叫做差唔多打到一半一半，(老師補充) 咁呢個朝鮮半島，大陸官方叫北韓做朝鮮嘅，而稱南韓為韓國。所以有家有時會好混亂，我吔平食嘅泡菜、見到嘅太極旗、浪漫滿屋、大長今、阿Rain 呀， 就來自於韓國，即係南韓，北韓呢你吔可能就唔係好識嘞，我諗你吔唯一識嘅就係可能聽過係金正日，北韓嘅總統，北韓嘅領導人，不過佢吔五十多年前係同一個國家，佢吔 (兩韓人民) 係同一個民族，講同一種語言，都係食泡菜玩跆拳，兩方因政治立場不同，雙方 (代表南北部不同派系) 都想侵佔對方而打起來，最後尾大家都係慘和，最後利用咗中間嗰條分界線(38 線)來分，打横嗰條線! 東經北緯你聽過味? 女同學: 朝鮮半島喺邊度?   Dennis: 朝鮮半島係喺中國東北三省右邊，呢張圖可能唔係咁清晰，你見到喱度左邊右面，平壤上小小就係中國嘅黑龍江省 (吉林省!)，係北部，東北部。 女同學: 半島 (朝鮮半島地形) 好似公雞頭 Dennis: 公雞頭 ? 咩嘢意思呀?  所以，咁所以點解叫做半島? 因為佢有一部分連住大陸，佢唔係成個島，好似九龍半島咁，三面(向)海，一面(向)陸地，咁喱個係背景嚟嘅。 咁之後呢，佢兩國偶爾發生小規模衝突，南韓有美國的重兵，右邊喱度係日本， 又有美國兵嘅，咁南北韓上面係中國，你吔喺度學埋地理地勢，再上面係俄羅斯，個形勢係咁嘅! 日本有美軍基地，而南韓都有，但北韓就冇嘅。 女同學:咁如果真係打仗嘅話，美(軍)國就會幫南韓嗎? 係咪呀? Dennis: 你咁講都可以係啱嘅! 如果真係打仗嘅時候，中國可能幫北韓，當年就係中國同蘇聯幫北韓，咁南韓就美國(支持)，咁呢兩隊 ‘兵’互 ‘摙’，所以表面上 (韓戰) 係兩韓之戰，但實際上，但佢吔嘅兵背後有好龐大嘅實力支撐，後面有幾個大國! 女同學: 咁日本都會幫埋南韓啦! Dennis: 日本其實都幾聽美國嘅話，因為自二次世界大戰之後，佢(日本) 衰咗兩粒原子彈比美國， 之後佢(佢) 就幾跟住美國的方向。 女同學: 講話太細聲，老師聽不清楚 Dennis: 聽唔到? 女同學: 咁如果真係開戰，日本都會幫埋南韓打北韓? Dennis: 佢(日本)有個投降協議，佢日本自己唔可以派兵攻打人，佢有自衛隊嘅，或者我講得太嚴重，短期內我認為呢度唔會有大仗，因為呢度有核彈，核彈係好恐怖嘅東西，你諗吓呢度咁多個國家，咁多敏感嘅地方，如果真係核暴咗嘅話，週邊嘅國家咪好受到影響同危險囉，其實最維持到佢嘅和平就係令佢唔好打仗，又想打仗 (似乎要打仗的局面!)，唔知大家明唔明，即係情況就好似大陸同台灣咁，咁究竟統一定唔統一好呢? 女同學: ‘統一’ 泡菜 (她心仍然想著韓國! 同時她亦認識到 ‘統一’ 是台灣即食產品名牌，她也許意會到 ‘統一’ 這品牌具有某種兩岸歷史 ‘統一’ 情意結) Dennis: 唔係 ‘統一泡菜’ 呀! 而家係講大陸同台灣，你估統一咗定唔統一好呢? 女同學1: 統一好…… 女同學2: 唔統一好….. Dennis: 我諗視乎什麼角度（而言）嘞!  當然對於我吔中國人立場梗係好D 啦，強大D，但對於美國立場係點呢?　你覺得點呢？　佢（美國）就冇咗粒棋，哦！原來台灣係好似一粒棋嚟嘅…… (睇吓幅圖)，大陸就喺度…… 男同學:咁台灣 (意即台灣不獨不統狀態) 帶比美國咩嘢嘅效益? Dennis: 效益就係牽制中國大陸嘅崛起，但係佢(美國)又唔想兩個地方打仗，好慘嗎! 女同學:　佢（美國）控制住佢（中國大陸之崛起） Dennis: 即係好似南北韓，唔打仗又唔統一好似對好多國家最好，大家可以互相利用，美國利用佢(南北韓似戰非戰狀態) 而中國又利用佢(南北韓似戰非戰狀態)，佢吔 (南北韓) 一打起仗就大鑊嘞 男同學: 咁而家俄羅斯呢? (俄羅斯是站在那一邊) Dennis: 俄羅斯而家都可以話同仲係同中國同一陣線囉 男同學: 即係而家都係 Dennis: 係嘞! 其實係(國際政治方面) 冇永遠嘅敵人亦冇永遠嘅朋友，係只有永遠嘅利益。咁暫時現階段嘅利益狀況來講，美日韓就同盟嘞! 叫做!  女同學: 咁北韓方面呢?  Dennis: 咁北韓大陸俄羅斯就係另一個陣營嘞! 男同學: 咁俄羅斯係咪仲有實力呀? Dennis: 當今最有實力嘅三個大國離不開美，俄及中國，三大勢力離不開這三國。 當年(五十多年前) 只有蘇聯敢同美國撐咋， 呢個 (美蘇敵對狀態) 係冷戰時期的產物，呢個代表共產同資本主義嘅對立。簡單來講，呢度 (北韓)、 俄羅斯、中國代表共產，而南面 (南韓)、美國代表資本主義，兩邊係互相嘅抗衡嘅，大家 (南北韓雙方) 都想佔領對方…… 女同學: 咩嘢係資本主義呀? Dennis: 資本主義……嘩! 係一個可以好複雜嘅東西，我嘗試用兩三句答你，但我要飲啖水先，我諗你可能再問歷史科老師好D 嘞! 咁簡單嚟講呢，資本主義係一個……你可以話係一個政治或者係一個經濟嘅制度，喺呢一個制度裡面政府係鼓勵人民製造財富、做生意、擁有私家嘅財產，咁即係去保障你吔嘅財產，政府係唔會攞晒你D 錢去分公嘅，咁當然有一個納稅嘅制度啦………         (十分鐘完結)