如果你個仔第時…… 咁你會點算?

我有以下一些模擬人物對答:

1. 戒毒學校老師被問 : “如果你個仔第時吸毒你會點?”

2. 消防員被問 : “如果你間屋火燭怎辦?”

3. 海關職員被問 : “如果你個女第時老翻版你會點?”

4. 世界名醫被問 : “如果你得了不治之症點算?”

5. 救生員被問 : “如果你救人時自己遇溺點算?”

6. 洪金寶及成龍大哥被問 : “點解你個仔唔識功夫?”

7. 入境事務人員被問: “如果你屋企個女傭係黑工咁點算?”

8. 一向對香港教育充滿信心的教育官員被問: “如果你喺花旗國讀緊小學嘅仔要回流香港讀番香港主流學校，你會點算?”

第一個例子是真人真事，其餘是我虛構的 (如有雷同實屬巧合!) 從問題的思路你也許不難發現內裡玄機。我有以下反思:
1. 你的專業並不能避免 你或你的下一代或你的家人 接受你的服務

2. 你的專業不保證 你或你的下一代或你的家人 將來不需要你專業 ‘服務’及 ‘支援’

3. 你的專業並不保證你現在/未來能受惠於你的專業

4. 下一代並不一定‘崇尚’ 上一代的專業

5. 上一代不能強迫下一代‘繼承’上一代的 ‘衣缽’

6. 而上一代的 ‘衣缽’ 很可能已不再是下一代的專業 (即上一代的專業促成下一代失業，甚至乎上一代的專業會成為下一代的罪孽!)

7. 賣花一般都會讚花香，但賣嘅唔會自己買番自己嘅花並很可能其實好討厭自己嘅花但又同時被迫無奈地叫賣自己唔鍾意嘅花，其實可能是有些失去嗅覺的人霧裡看花，睇都睇到眼花花

8. 知法通常唔會犯法，但有時犯咗法自己都唔知


跟正生同學生活閒聊中偶爾被 ‘質問’ 到 “假若我個仔第時吸毒我會點算?” 我的即時嘅回應係冇回應然後我就話我都唔知點算。係喎，我究竟點保證我個仔第時唔會吸毒，就正如我細個嗰陣時我啊媽都唔知我細個會喺學校裡面偷嘢直至我真係偷嘢為止! (簡單嚟講就即係人冇預知能力)。但點都好在正生工作了一段日加上讀藥理出身，對於毒品、吸毒或青少年吸毒問題還是有少少認識 (即人雖然冇預知能力，但人點都有些少預測能力，而預測能力與經驗剛巧又有關係!)


“假若我個仔第時吸毒我會點算?” 我不知怎算，但他將永遠是我的孩子!